MIT EM AUTO

Für's Navi 

KOORDINATÄ

 

47°25'23.6"N / 8°54'46.8"E

vom Tösstal

Wänn Richtig Rapperswil fahrsch, bim Dorfuusgang vo Wila, grad vis à vis fo dä Landi Tankstell bügsch rechts ab. S'hät än Wägwiser wo "Tablat, Steinen, Schmidrüti" druf stoht. Noch Tablat gohsch wider links, immer am Wägwiser  "Schmidrüti" no. Noch öpe 6 Kilometer chunsch uf Schmidrüti, muesch aber witer uf därä Stross bliibä und dänn chunsch  automatisch in Sitzberg. Dä Schilift chasch eigentlich nöd verfähle.

vom Hinterthurgau über Sirnach, Dussnang

Fahr über Sirnach, Wiezikon nach Dussnang. Im Dorf rechts abbüüge Richtig Kurhuus. Am Kurhuus verbii und vo jetzt aa immer uf därä Stross bliibä. Dänn chunsch uf Schurten und wää eifach wiiterfahrsch chunsch uf direktem Wäg zum Schilift.

vom Hinterthurgau über Eschlikon, Balterswil, Bichelsee

Wänn vo Eschlikon chunsch, fahrsch über Balterswil bis uf Bichelsee. Z'miz im Dorf muesch scharf links abbüüge. Muesch guet luege, dä Abzwiger isch ä chli versteckt, es hät aber en Wägwiser wo "Steig, Sitzberg" druuf stoht. Dänn goht's ordentli steil duruuf. Jetz muesch numä no immer uf därä Stross witerfahrä und dänn chunsch direkt zum Schilift.